论坛广播台
广播台右侧结束

主题: [原创]行天理

  • bcsd
楼主回复
  • 阅读:5953
  • 回复:0
  • 发表于:2010/4/5 9:19:34
  • 来自:江西
  1. 楼主
  2. 倒序看帖
  3. 只看该作者
马上注册,结交更多好友,享用更多功能,让你轻松玩转寻乌社区。

立即注册。已有帐号? 登录或使用QQ登录微信登录新浪微博登录

 

登录查看大图
登录/注册后可查看大图
 
登录查看大图
登录/注册后可查看大图
 

                                      
    在先有两兄弟,老弟会行地理,一家人食好着婧阿哥就晓得耕田,一家人食也冇好食着也冇着,十分苦闷,总想有冇办法来改变.有一日,又有人来寻老弟看风水,恰好老弟走哩冇在家.阿哥听声接出门,问来客有嘛介事?渠就话主家喊俺来请先生看风水.阿哥捷捷话俺就系俺就系.总系阿哥耕田人家冇罗庚,就到粪寮寻到冇用介尿桶,敲出桶底用红布包稳,就介样跟人客出门.紧走紧想,会到村子时阿哥打个设谎,话渠想屙屎喊人客先走.等到人客走哩,渠就到村庄探听主家情况.见到一只老人家就问:侬村项介只税赋佬听讲渠屋家运气十分好,有冇介事?老人家就话:话勿好又好,话好又勿好,家财万贯,供出一只赖子系噩佬,讨介媳妇契哥都紧捞.边项一只细人子插话:畜介猪嬷作渠孙子介卵子都咬了哩.阿哥听到心中笃定,就走到主家屋家.主家见先生来到,十分客气奉烟敬茶,又端米果又炖蛋包.阿哥冇法就将红布包稳介尿桶底放在桌棚下.勿晓得主家介噩子伸手去摸,就对渠阿爸讲:阿爸阿爸,底只先生介罗盘勿同!主家喝渠赖子:勿好恁冇规矩,侬晓得嘛介?噩子勿服,就话:先介先生介罗盘俺都摸过,全部都冇贯,就底只先生介罗盘有贯!主家勿搭渠.阿哥急甚冷汗排排出.过后茶烟都足哩,阿哥喊主家端楼坮到天井来.主家问话嘛介意思,阿哥就讲:天文地理天文地理,天文太过地理,俺看风水主要系看天文.其实系阿哥介尿桶底勿好颁人看到.阿哥爬上屋栋假装看了一下就下来哩,对主家讲风水勿好.主家问嘛介道理?阿哥就话:左砂长右砂短,畜介猪嬷咬盒卵后龙岗上笔笔直,讨介媳妇会偷食!主家听了十分佩服,连话系明师.阿哥话只要将院内一对功名石移开种上树,就会改转风水.主家问嘛介时候动工正好?阿哥信口说己今就系吉时吉日,己今动工还能发大财.主家就急忙喊来工人动工.阿哥知自家其实系一窍不通,怕露马脚,就话冇闲爱早点归.主家就拿了一筒花边畀渠.阿哥见一下子赚到恁多,就十分欢喜归屋家去耶.走到还冇一半路,就听到后背有人喊先生等到来等到来,阿哥心惊:恁快就露马脚哩? 就钻进树丛屏稳来,介只人赶来就话先生出来.阿哥勿奈何就出来,话:俺屏稳来屙尿.介只人就讲:先生一走俺主家在功名石底下就挖出一窖银,主家话先生恁明,再拿两筒花边畀侬.阿哥一下子得来三筒花边,日子就紧来紧好.在先介人就讲:主家有福先生正有禄.底句话有道理!

  
二维码

下载APP 随时随地回帖

你需要登录后才可以回帖 登录 | 注册 微信登陆
加入签名
Ctrl + Enter 快速发布
""